اسلام آباد – 31 مئي (اي پي پي) نيشنل ڪمانڊ اينڊ آپريشن سينٽر (اين سي او سي) سمورين صوبائي حڪومتن کي هدايت ڪئي آهي ته ڪوويڊ 19 کان بچاءُ لاءِ ٺاهيل ايس او پيز ۽ گائيڊ لائينز تي عملدرآمد جي لاءِ مارڪيٽ ايسوسيئيشنز کي پاڻ سان گڏ شامل ڪيو وڃي. نيشنل ڪمانڊ اينڊ آپريشن سينٽر (اين سي او سي) ۾ منصوبابندي، ترقي ۽ خاص قدمن واري وفاقي وزير اسد عمر جي صدارت ۾ اعليٰ سطحي اجلاس ٿيو. وفاقي وزير اسد عمر چيو ته دڪاندارن کي گهرجي ”نو ماسڪ نو سروس“ جي پاليسي کي سختي سان لاڳو ڪن. اسد عمر اين سي او سي کي هدايت ڪئي ته اهو معياري آپريٽنگ طريقيڪار (ايس او پيز) کي سختي سان لاڳو ڪندي لاڪ ڊائون کي گهٽ ڪرڻ جي لاءِ منصوبي تي ڌيان ڏي.
مضمون کا ماخذ : کوئی شہزادی۔
