بیجنگ۔18اکتوبر (اے پی پی) نگراں وزیراعظم انوار الحق کاکڑ آکھیا جو پاکستان بیلٹ اینڈ روڈ دے چینی وژن دے تحت رابطے ودھاوݨ کیتے چین اتے ٻئے علاقائی سانجھے داراں نال رَل تے کم کرݨ کیتے پرعزم اے۔ سی پیک ترقی، خوشحالی، عوام دا معیار زندگی بلند اتے روزگار دے موقع پیدا کرݨ اتے عوام کوں غریبی توں ک??ھݨ دا ذریعہ اے۔ بدھ کوں تریجھے بیلٹ اینڈ روڈ فورم (بی آر ایف) توں خطاب کریندیں ہوئیں وزیراعظم آکھیا جو ایں فورم اچ شرکت کیتے ٻہوں خوشی دا باعث اے۔ انہاں چینی قیادت دے بی آر آئی دے وژن کوں خطے ??تے عال??ی سطح تے اہم اثرات دا حامل منصوبہ قرار ݙیندیں ہوئیں چینی صدر دے فورم توں خطاب اچ پیش کیتے ڳئے خیالات دی حمایت کیتی۔ وزیراعظم آکھیا جو بی آر آئی دا ہک نواں دور شروع تھیندا پئے، چین دا سانجھا ترقی، خوشحالی اتے دنیا ??ے روشن مستقبال کیتے وژن عوام دی زندگیاں اچ تبدیلی ڳھدی امدے۔ رابطے ??تے تجارت دے ودھارے نال مختلف قوماں کوں ہک ݙوجھے دے خیالات ٹیکنالوجی توں فیدی چاوݨ دے موقع ملین اتے عوام اتے مختلف ثقافتاں وچال رابطے ٻݨدن۔ وزیراعظم آکھیاجو بی آر آئی صرف سڑکاں،ریل، تار اتے نیٹ ورکس نال جوڑݨ دا ناں نی، اے مختلف خطیاں دی عوام، تہذیباں اتے ثقافتاں کوں نیڑے ڳھن امسی اتے انسانیت اتے امن کوں راہ ملسی۔ وزیراعظم عدم مساوات، ترقی یافتہ اتے ترقی پذیر اچ تفریق، قرضیاں اچ ودھارے، غذائی بحران اتے ماحولیاتی چیلنجز کوں خطرہ قرار ݙیندیں ہوئیں آکھیا جو کئی خطیاں خصوصی طور ترقی پذیر ملکاں کوں گلوبل اکانومی اچ کرداد ادا کرݨ دے موقع ݙیوݨے چاہیدن۔ انہاں توانائی، ڈیجیٹل نیٹ ورکس، انفر??سٹ??کچر اتے ٹرانسپورٹیشن اچ تعاون ݙیوݨ دی لوڑھ تے زور ݙیندیں ہوئیں آکھیا جو ڈیجیٹل دور اچ ہکو سویں موقع ہووݨے چاہیدن۔ انہاں آکھیا جو پاکستان بی آر آئی دے ساریاں توں پہلے حمایت کرݨ آلیاں اچوں اے اتے اساکوں شمولیتی اتے پائیدار ترقی کیتے چین دا حصہ دار ہووݨ تے فخر اے۔ وزیراعظم بی آر آئی دے فلیگ شپ منصوبے، پاک چین اقتصادی راہداری دے ݙاہ سال پورے تھیوݨ دا ذکر کریندیں ہوئیں آکھیا جو ایں دے تحت 25 ارب ڈالر دے 50 منصوبے پورے کیتے ڳئن اتے جدید ہائی ویز، بندرگاہیں، ایئرپورٹس اتے ریپڈ ماس ٹرانزٹ سسٹم اساݙے ٹرانسپورٹ نیٹ ورک کوں بہتر کیتے۔
