اسلام آباد۔15اگست (اے ??ی ??ی) ??اک??تان اسرائیلی قابض قوت دے اڄوکے بیاناں جنہاں اچ 220;گریٹر اسرائیل” دی نام نہاد فرضی ریاست دے قیام دا اشارہ ݙتا ڳئے اتے غزہ توں فلسطینیاں کوں جبری بے دخل کرݨ دی اسرائیلی سازش دی شدید مذمت کیتی اے اتے انہاں کوں مسترد کریندے۔ ترجمان دفتر خارجہ آپݨے بیان اچ آکھیے جو “??اک??تان بین الاقوامی برادری تے زور ݙیندے جو او ایجھے مشتعل کرݨ آلے تصوراں کوں مکمل طو?? تے مسترد کرے جیڑھے بین الاقوامی قانون، اقوام متحدہ دے چارٹر دے اصولاں اتے متعلقہ اقوام متحدہ دیاں قرارداداں دی کھلی خلاف ورزی ہن۔ ترجمان آکھیا جو ایجھے بیان مقبوضہ قوت دے غیر قانونی قبضے کوں مزید پکا کرݨ دی خواہش دا اظہار ہن، اتے نال ہی خطے اچ پائیدار امن اتے استحکام دے حصول کیتے ساریاں بین الاقوامی کوششاں کیتے اسرائیل دی مکمل بے حسی کوں وی ظاہر کریندن۔ بین الاقوامی برادری کوں وختی اتے ٹھوس اقدامات کرݨے چاہیدن تاں جو مقبوضہ طاقت کوں خطے کوں مزید غیر مستحکم کرݨ توں روکیا ونڄ سڳے اتے فلسطینیاں دے خلاف جاری ایں دے ظلم اتے جرماں کوں ختم کیتا ونڄ سڳے۔ ترجمان آکھیا جو ??اک??تان فلسطینی عوام دے جائز حقوق، بشمول خودارادیت دے حق اتے 1967ء دیاں سرحداں تے مبنی القدس الشریف کوں دارالحکومت بݨیندیں ہک آزاد، مستحکم اتے مربوط فلسطینی ریاست دے قیام دے حق دی مکمل حمایت دے عہد دی تجدید کریندے
.jpg)
